Un entorno musical

O mundo que nos rodea está cheo de sons. Algúns son certamente desagradables,

como o provocado cunha moeda contra unha encerado, outros son harmónicos e

melodiosos, como podemos comprobar no obradoiro de Lourdes, escoitando

marabillosos cantos de aves. Por iso, neste taller o alumnado de ESO constrúe unha

instalación sonora co tema que elas e eles queiran (chegando a un tema común coa

obra de teatro). Aínda que o tema principal da semana cultural é a música, cremos

convinte atopar un tema ou historia co que conectar os tres obradoiros artísticos.

Presentaránselles posibles temas para motivar a imaxinación:

- O mar

- O aire

- Os barcos

- Os sonos

Este obradoiro conta con dous apartados destinados ao descubrimento de novos

timbres e á interpretación de sons nun papel a través dun debuxo.

INSTALACIÓN SONORA

O alumnado que realiza este obradoiro, investigou sobre as calidades do son co

obxectivo de ofrecer explicacions detalladas ás alumnas e alumnos de primaria

ademais de guiar a súa exploración pola instalación que prepararon na aula de música.

O primeiro sitio que visitan é unha piscina chea de auga na que as nenas e nenos

simulan estar nunha praia e experimemtan cos diferentes sons que poderían existir

neste entorno.

Nun segundo tempo, as nenas e nenos xogan a crear sons coa area, cunchas e outros

materiais que podemos atopar nunha praia.

E nunha derradeira sección podemos manchar as mans nuns botes de pintura para

deixar as pegadas das nosas mans nun gran cartaz de papel.

Segundo Diego, o mestre de música responsable da actividade, esta investigación

fomenta a creatividade, xa que as alumnas e alumnos tiveron que decidir que obxectos

sonoros podían incorporar ao espazo deseñado. Trouxeron materiais da casa á parte

dos que a escola puido proporcionar.

Algúns exemplos de materiais e obxectos que poidan relacionar coas calidades do son:

a) Obxectos de metal (sons brillantes, longos, resoantes), como latas de distintos

tamaños, tapas de potas, chaves, cadeas, resortes, culleres, garfos, reixas

metálicas, parafusos, porcas dentro de botes, campaíñas, axóuxeres, bandexas

de forno, etc.;

b) Obxectos de madeira (sons secos, opacos, rítmicos): paus, listóns, caixas de

madeira, pinzas da roupa, paus chineses, morteiros, caixóns pequenos, etc.;

c) Obxectos de plástico (grande variedade tímbrica): botellas baleiras e con auga,

tubos, bolsas, envases de iogur, tapóns, palliñas, carpetas flexibles, etc.;

d) Obxectos de papel e cartón (sons fráxiles e expresivos): papel de xornal, cartón

ondulado, caixas, papel de lixa, tubos de cartón, etc.

COMPOSICIÓN GUIADA

Neste obradoiro o alumnado de ESO será o encargado de formar unha orquestra con

instrumentos feitos na casa. Estes instrumentos son proporcionados polos cursos de 1º

e 2º, que tiñan unha actividade previa de construción de instrumentos. Elixiron os

mellores instrumentos segundo a súa variabilidade sonora imitando a disposición

dunha orquestra real. Esta selección compleméntase coa investigación do obradoiro

previo sobre as calidades do son. Deste modo as alumnas e os alumnos de primaria

escollerán dentro desta orquestra os instrumentos que prefiren para elaborar unha

composición propia o máis orixinal posible.

Durante as sesions de preparación han ser formados nos principia da creatividade para

crear unha composición improvisada. Para realizar a composición, un estudante, a

modo de director, dirixirá a orquestra con sinais e consignas. As e os músicos, xa

formandos previamente, saberán perfectamente que facer cando o director ou

directora dea os pertinentes sinais. Deste xeito, o alumnado de primaria poderá

desenvolver con facilidade a súa creatividade musical e sonora cun grupo de

magníficos instrumentistas ao seu cargo.

Todo isto se basa no “soud painting” que se basa no arte da interpretación musical

basada nas expresions corparais das nenas e nenos de primaria.

En conclusión temos un obradoiro no que os nenos e nenas de primaria

experimentarán cos diferentes timbres existentes e aprenderán as diferentes calidades

e peculiaridades dos sons, como por exemplo como rebota. Tamén aprenden como

funciona unha orquestra e fan as veces de directoras e directores. Un obradoiro do

máis completo e divertido.